Багі Бабур[1] (пушту: باغ بابرباغ بابر, перс.: باغ بابرباغ بابر; таксама сустракаюцца назвы сад Бабура і сады Бабура) — паркавы комплекс у Афганістане, размешчаны непадалёк ад горада Кабула. Названы ў гонар свайго ўладальніка Бабура, заснавальніка імперыі Вялікіх Маголаў. Бабур акрамя гэтага захапляўся развядзеннем садоў. Багі Бабур з’яўляецца адной са славутасцяў краіны. Адрозніваецца дбайнай прадуманасцю пасадак; у мінулым у ім выгадоўваліся многія ўнікальныя расліны. Сярод іх былі розныя сарты садавіны, бахчавых і многае іншае, што раней зусім не сустракалася на дадзенай тэрыторыі.