Бабіруса[1] (Babyrousa babyrussa) — парнакапытнае млекакормячае сямейства свіных. Яна настолькі адрозніваецца ад іншых свінняў, што як правіла вылучаецца ў асобнае падсямейства, у якім з’яўляецца адзіным сучасным прадстаўніком.
Слова «бабіруса» — малайскага паходжання; яно азначае «свіння-алень». У арыгінале яно пішацца асобна і з адной літарай «з» (babi rusa).
Даўжыня цела да 1 м. Мае адносна маленькую галаву, кароткія вушы, высокія і тонкія ногі. Верхнія іклы ў самцоў да 30 cм, загінаюцца назад. Скура маршчыністая з рэдкім шчаціннем.
Сустракаецца на в-ве Сулавесі і бліжэйшых астравах (Малайскі архіпелаг). Трымаецца забалочаных лясоў і прыбярэжных зараснікаў.
Актыўная ўначы. Корміцца лісцем травяністых раслін.
Нараджае двое аднаполых парасят.
Аб’ект палявання (мяса, скура, іклы). Занесена ў Чырвоную кнігу МСАП.