Бабо́ўцы[1] (трансліт.: Baboŭcy, руск.: Бобовцы) — вёска ў Лідскім раёне Гродзенскай вобласці. Уваходзіць у склад Тарноўскага сельсавета.
Вопіс парафій Лідскага дэканата 1784 года згадвае вёску Бабоўцы ў Белагрудскай парафіі як уласнасць Пацаў[2].
Пасля трэцяга падзелу Рэчы Паспалітай (1795) вёска ў Расійскай імперыі. У 1915 годзе акупавана Германіяй, з 1921 года ў складзе Польшчы, з 1939 года — у БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй.
Да 11 лютага 1972 года вёска ўваходзіла ў склад Мыцкага сельсавета, потым у складзе Белагрудскага сельсавета[3]. Да 29 верасня 2005 года вёска ўваходзіла ў склад Ваверскага сельсавета[4].