Баба Віда
Баба Віда (балг.: Баба Вида) — сярэдневяковая крэпасць у горадзе Відзіне (на паўночным захадзе Балгарыі), галоўная гарадская выдатнасць.
Крэпасць стаіць на беразе Дуная. Складаецца з 2 асноўных крапасных муроў і 4 веж.
Гісторыя
Будаўніцтва крэпасці пачалося ў X стагоддзі на месцы старажытнарымскай крэпасці Банонія. У Сярэдневякоўе Баба Віда была найважнейшым умацаваннем у паўночна-заходняй Балгарыі. Баба Віда вытрымала 8-месячную аблогу візантыйскай арміі Васілія II, аднак была разбурана і занава адбудавана ў час праўлення Івана Сраціміра.
Крэпасць іграла важную ролю ў час акупацыі Балгарыі Асманскай імперыяй, пазней, у канцы 18 стагоддзя, страціла абарончае значэнне і стала выкарыстоўвацца як арсенал і турма.
Сёння Баба Віда — музей-крэпасць.
Від крэпасці з паветра. Фотаздымак, каля 1930 года
Уваход у крэпасць
У крэпасці
Муры крэпасці
Від на Дунай з крапасных муроў
Спасылкі
- Гарадскі інфармацыйны партал
- Сайт пра Баба Віда Архівавана 9 верасня 2006. (англ.) (ням.) (балг.)
- Гісторыя і архітэктура крэпасці Баба Віда(руск.)
Катэгорыя·Вікіпедыя·Артыкулы з пераазначэннем значэння з Вікідадзеных
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Замкі Балгарыі
Катэгорыя·Музеі Балгарыі
Катэгорыя·Відзін
Катэгорыя·Крэпасці паводле алфавіта