wd wp Пошук: ⬜

Аўгуста Вікторыя

У паняцця ёсць і іншыя значэнні, гл. Вікторыя. Аўгу́ста Вікто́рыя, Аўгуста Вікторыя Фрыдэрыка Луіза Феадора Джэні (ням.: Auguste Viktoria Friederike Luise Feodora Jenny, 22 кастрычніка 1858 — 11 красавіка 1921) — прынцэса з роду Аўгустэнбургаў, у шлюбе — германская імператрыца і каралева Прусіі.

Дачка Фрыдрыха, тытульнага герцага Шлезвіг-Гольштэйнскага, чые прэтэнзіі на Шлезвіг-Гольштэйн паслужылі нагодай да вайны за Шлезвіг у 1864 годзе. Любіла мастацтва і складала музычныя п’есы для кларнета. Марай яе жыцця было наведаць Луўр у Парыжы: па палітычных прычынах ёй так і не атрымалася.

У 1881 годзе выйшла замуж за прынца Вільгельма Прускага, пасля імператара Вільгельма II. Пасля яго адрачэння ў 1918 годзе пераехала з ім у Нідэрланды, дзе і памерла. Магіла Аўгусты Вікторыі знаходзіцца ў пахавальні Гогенцолернаў у Антычным храме ў парку Сан-Сусі ў Патсдаме.

У шлюбе з Вільгельмам II у Аўгусты Вікторыі нарадзілася сямёра дзяцей, шэсць сыноў і адна дачка:

Вільгельм (1882—1951), кронпрынц Прусіі
Эйтэль Фрыдрых (1883—1942),
Адальберт (1884—1948),
Аўгуст Вільгельм (1887—1949),
Оскар (1888—1958),
Іаахім (1890—1920),
Вікторыя Луіза (1892—1980), у 1913 годзе выйшла замуж за Эрнста Аўгуста, герцага Браўншвайгскага.

Зноскі

1 2 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118651129 // Агульны нарматыўны кантроль — 2012—2016. Праверана 26 красавіка 2014.
1 2 Augusta Viktoria Hohenzollern // Find a Grave — 1995. Праверана 9 кастрычніка 2017.
↑ Kindred Britain
↑ (unspecified title) Праверана 7 жніўня 2020.
↑ Lundy D. R. The Peerage

Літаратура

Evers, «Auguste Viktoria» (3 выд., 1897).
Августа Виктория // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.