У Вікіпедыі ёсць артыкулы пра іншых асоб з прозвішчам Папян.
Асмік Аруцюнаўна Папян (арм.: Հասմիկ Պապյան; нар. 1961) — савецкая і армянская оперная спявачка
. Газета The Washington Post назвала яе «лепшай жывой Нормай»[1].
Нарадзілася 2 верасня 1961 года ў Ерэване, Армянская ССР.
У 1982 годзе скончыла Ерэванскую дзяржаўную кансерваторыю ім. Камітаса па класе скрыпкі, а ў 1985 годзе — вакальны факультэт (кіраўнік М. А. Аруцюнян). Прафесійную кар’еру Асмік Папян пачынала ў Ерэванскім оперным тэатры оперы і балета імя Спендыярава. Выступала ў СССР і за мяжой. У 1993 годзе, пасля перамогі на некалькіх міжнародных конкурсах, была запрошана ў Бонскі оперны тэатр[de].
Асмік Аруцюнаўна выканала мноства оперных роляў у многіх тэатрах свету, сярод якіх: Донна Ганна ў «Дон Жуане», Рахіль у «Жыдоўцы», Леанора ў «Сіле лёсу», Абігайль у «Набука», Ліза ў «Пікавай даме» і загалоўныя партыі ў «Тосце» і «Аідзе» ў Венскай дзяржаўнай оперы; Абігайль у «Набука» ў міланскай Ла Скала, роля Аіды ў барселонскім Тэатры дэль Лісеу; Мацільда ў «Вільгельме Тэле» і Ліза ў «Пікавай даме» ў парыжскай Оперы Бастыліі; Аіда, Норма, лэдзі Макбет і Леанора ў «Трубадуры» ў нью-ёркскай Метрапалітэн-оперы. Упрыгожваннем рэпертуару спявачкі з’яўляецца партыя Нормы ў «Норме» Вінчэнца Беліні, якую яна выконвала ў многіх гарадах Еўропы і ў ЗША.
За час сваёй артыстычнай кар’еры Асмік Папян выступала з выбітнымі дырыжорамі і многімі міравымі опернымі зоркамі.
У наш час спявачка жыве ў Вене і выступае на сцэне Венскай дзяржаўнай оперы і Метрапалітэн-оперы. Перыядычна бывае з канцэртамі на сваёй радзіме[2].