Арэны Лютэцыі (фр.: Arènes de Lutèce) — найстаражытная, што захавалася да нашага часу, пабудова на тэрыторыі Парыжа. Старажытнарымскі амфітэатр знаходзіцца ў 5-й парыжскай акрузе на вуліцы Монж (rue Monge).
Арэна была пабудавана ў I стагоддзі і выкарыстоўвалася да III стагоддзя. Падчас мерапрыемстваў (тэатральныя пастаноўкі, але таксама і крывавыя баі) тут размяшчалася да 17 000 гледачоў. З распаўсюджваннем хрысціянства рымскія тэатры і цыркі страцілі былое значэнне і, калі ў III-IV стагоддзях у Еўропу ўварваліся гуны, Арэны Лютэцыі зусім перасталі выкарыстоўваць, а камяні, з якіх яны былі пабудаваныя, пайшлі на будынак гарадской сцяны і іншых абарончых збудаванняў.
Доўгі час руіны знаходзіліся пад зямлёй, пакуль у 1869 годзе на гэтым месцы не пачалося будаўніцтва амнібуснага парку. У ліпені 1883 Віктор Гюго ў адкрытым лісце гарадскому савету папрасіў узяць Арэны пад абарону. Савет адразу ж абвясціў антычны амфітэатр гістарычным помнікам.