У Вікіпедыі ёсць артыкулы пра іншых асоб з прозвішчам Блум. Арланда Блум (англ.: Orlando Bloom, нар. 13 студзеня 1977), пры нараджэнні: Арланда Джонатан Бланчард Блум (англ.: Orlando Jonathan Blanchard Bloom) — брытанскі кінаакцёр. Атрымаў вядомасць дзякуючы ролям у кiнатрылогii «Уладар парсцёнкаў» (2001, 2002, 2003), прыгодніцкім фільме «Піраты Карыбскага мора: Праклён „Чорнай пярліны“» (2003) і яго працягах «Піраты Карыбскага мора: Куфар мерцвяка» (2006) і «Піраты Карыбскага мора: На краі Свету» (2007).