Ардзяжанка — рака ў Лёзненскім і Віцебскім раёнах Беларусі, левы прыток ракі Сухадроўка (басейн Заходняй Дзвіны).
Даўжыня ракі 16 км, з іх 11 км у Лёзненскім раёне[1]. Плошча вадазбору 81 км². Сярэдні ўхіл воднай паверхні 1,5 м/км. Пачынаецца прыкладна за 2 км на поўдзень ад вёскі Касцяёва ў Лёзненскім раёне[2], цячэ па Лучоскай нізіне. Упадае ў Сухадроўку каля вёскі Ільічоўка Віцебскага раёна. Вадазбор нізінны. Каля ракі вёска Ордзеж.