Антоніа Пеліча (італ.: Antonio Pelliccia; 1 студзеня 1921 — 24 лістапада 2016) — італьянскі ваенны дзеяч, гісторык і пісьменнік. Займаў розныя пасады ў італьянскіх ВПС і НАТА. Пасля завяршэння ваеннай кар’еры стаў аўтарам шматлікіх кніг па гісторыі авіяцыі.
Антоніа Пеліча нарадзіўся ў Санта-Марыя-Капуа-Ветэрэ (Казерта) 1 студзеня 1921 года[1]. Паступіў у каралеўскую ваенна-паветраную акадэмію Казерты, атрымаў ліцэнзію ваеннага лётчыка для палётаў на IMAM Ro.41[1].
Падчас Другой сусветнай задзейнічаны ў Паўночнай Афрыцы.
Пасля перамір’я паміж новым італьянскім урадам і саюзнікамі, падпісанага 8 верасня 1943 года, далучыўся да антыфашысцкіх сіл[2]. З 1944 года складаўся ў эскадрыллі «Штармавы Балтымор»[1], дзе лятаў на бамбардзіроўшчыку Martin Baltimore[3].
Пасля заканчэння вайны Пеліча прызначаны другім лейтэнантам у SPE[4]. Яго эскадрылля «Штармавы Балтымор» дзейнічала да 1 лістапада 1948 года[5]. У гэты час Пеліча асвоіў амерыканскі самалёт P-51 Mustang.
Затым ён прайшоў навучанне на першым курсе інструктараў для інструментальнага палёту[1][4], якое праводзілася на Moody AFB ў Злучаных Штатах, пасля чаго Пеліча быў прызначаны галоўным інструктарам у лётных школах італьянскіх ВПС[4]. На працягу трох гадоў, з 1959 па 1962, уваходзіў у кансультатыўную групы па паветраным навучанні ў SHAPE[4], і Міжнародную каманду па падрыхтоўцы лётных экіпажаў ад НАТА[1][4].
Пеліча працаваў у самых розных аддзелах ваенна-паветраных сіл, ён наведваў Ваенна-паветраную школу Фларэнцыі, а затым пашыраны курс ВПС ЗША у Алабаме[4]. Вярнуўшыся на радзіму, узяў на сябе камандаванне Scuola Caccia, стаўшы тады старшынёй IV рабочай групы трохбаковага Ваеннага камітэта. У 1974 годзе прызначаны намеснікам кіраўніка каледжа абароны НАТА[4], які базаваўся ў ваенным гарадку Чэкчыньёла ў Рыме[1].
Пазней Пеліча стаў прафесарам у галіне ваеннай авіяцыі. Ён нават з’яўляўся супрацоўнікам Гістарычнага ўпраўлення італьянскіх ВПС і аўтарам шматлікіх кніг і артыкулаў[4], апублікаваных у часопісах аб ваеннай гісторыі[6].
Член цэнтра абаронных даследаванняў Універсітэта Генуі, Ваенна-гістарычнай асацыяцыі, Італьянскай ваенна-гістарычнай камісіі.
Антоніа Пеліча памёр 24 снежня 2016 ў Рыме.