Андрэй Рудаміна-Дусяцкі (каля 1595 — 3 верасня 1632) — каталіцкі рэлігійны дзеяч, місіянер у Кітаі.
Прадстаўнік шляхецкага роду Рудамінаў-Дусяцкіх герба «Трубы», сын Яна.
Навучаўся ў Віленскай акадэміі, Лёвенскім універсітэце (Бельгія), Рымскім езуіцкім калегіуме. З 1618 езуіт.
У 1625 як місіянер выехаў у партугальскія калоніі Гоа, Макаа, потым у Кітай. Аўтар рэлігійных твораў на кітайскай мове.