Андрэй Анатолевіч Мяцельскі (16 верасня 1960, Котбус, ГДР) — беларускі археолаг, гісторык. Доктар гістарычных навук (2019).
Нарадзіўся ў сям’і служачых. У 1984 годзе скончыў гістарычны факультэт Гродзенскага дзяржаўнага універсітэта імя Янкі Купалы. З 1987 па 1990 гады навучаўся ў аспірантуры Інстытута гісторыі АН БССР. Працаваў настаўнікам гісторыі ў Ярэміцкай СШ Карэліцкага раёна і ў СШ № 20 г. Бабруйска. У 1992 годзе абараніў кандыдацкую дысертацыю «Города белорусского Посожья X—XIII вв.» (навуковы кіраўнік — прафесар П. Ф. Лысенка). Доктарская дыссертацыя на тэму «Мсціслаўская воласць, княства і ваяводства: адміністрацыйна-тэрытарыяльнае, гаспадарчае і канфесійнае развіццё ў ХІ-ХVIII стст.» абаронена 17 кастрычніка 2018 г.
З 1990 па 1993 гады малодшы навуковы супрацоўнік, з 1993 па 1998 гады — навуковы супрацоўнік, а з 1998 года — старшы навуковы супрацоўнік аддзела археалогіі сярэднявечнага перыяду Інстытута гісторыі НАН Беларусі, у 2009—2013 гадах — старшы навуковы супрацоўнік аддзела гісторыі Беларусі Сярэдніх вякоў і пачатку Новага часу, з 2014 года — старшы навуковы супрацоўнік аддзела крыніцазнаўства і археаграфіі, з 2018 года — загадчык аддзела гістарыяграфіі і метадаў гістарычных даследаванняў, з 2021 года — загадчык аддзела гісторыі Беларусі IX—XVIII стст.
Археалогія і гісторыя сярэднявечча, гістарычная геаграфія. Найбольшы ўплыў на фарміраванне гістарычнага светапогляду аказалі Л. В. Аляксееў і М. А. Ткачоў.