wd wp Пошук: ⬜

Андрыян Рыгоравіч Нікалаеў

У Вікіпедыі ёсць артыкулы пра іншых асоб з прозвішчам Нікалаеў. Андрыян Рыгоравіч Нікалаеў (5 верасня 1929, сяло Шаршэлы, Марыінска-Пасадскі раён, Чувашыя — 3 ліпеня 2004, Чэбаксары) — савецкі касманаўт. Двойчы Герой Савецкага Саюза (1962, 1970), лётчык-касманаўт СССР (1962), генерал-маёр авіяцыі (1970), кандыдат тэхнічных навук (1975).

Біяграфія

Скончыў ваеннае авіяцыйнае вучылішча (1954), Ваенна-паветраную інжынерную акадэмію імя Жукоўскага (1968). З 1955 года ваенны лётчык. З 1960 года ў атрадзе касманаўтаў (у 1963-68 яго камандзір). 11-15.8.1962 года здзейсніў палёт вакол Зямлі на касмічным караблі «Усход-3», 1-19 чэрвеня 1970 года з В. І. Севасцьянавым — палёт (як камандзір) на КК «Салют-9». У космасе правёў 21,6 сутак. У 1974-94 гг. першы намеснік начальніка Цэнтра падрыхтоўкі касманаўтаў імя Гагарына.

Узнагароды

Дзяржаўная прэмія СССР (1981). Залатыя медалі імя Цыялкоўскага АН СССР і імя Гагарына. Імем Нікалаева названы кратар на Месяцы. Званне Ганаровага грамадзяніна г. Полацка прысвоена ў 1962 годзе[4].

Зноскі

↑ Николаев Андриян Григорьевич // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
1 2 Andriyan Nikolayev // SNAC — 2010. Праверана 9 кастрычніка 2017.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #11873489X // Агульны нарматыўны кантроль — 2012—2016. Праверана 27 красавіка 2014.
↑ Нікалаеў Андрыян Рыгоравіч (1929-2003)

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8.