У Вікіпедыі ёсць артыкулы пра іншых асоб з прозвішчам Хацько. Анатоль Мікалевіч Хацько (нар. 1974 г., в. Буда Грэская, Слуцкі раён) — беларускі дзяржаўны дзеяч.
Скончыў у 1996 годзе Беларускую сельскагаспадарчую акадэмію, у 2006-м — Акадэмію кіравання пры Прэзідэнце Рэспублікі Беларусь[1].
У 2005—2006 гадах з’яўляўся галоўным заатэхнікам «Белплемжыўаб’яднанне». У 2006—2007 гадах працаваў на пасадзе намесніка генеральнага дырэктара ААТ «Мінскаблхлебпрадукт», а ў 2007—2015 гадах — гендырэктарам гэтага ААТ. З 2015 па 2016 год быў намеснікам гендырэктара Беларускага дзяржаб’яднання па племянной жывёлагадоўлі «Белплемжыўаб’яднанне», а з 2016 года — генеральным дырэктарам[1].
З 2 красавіка 2019 года[1] па 16 сакавіка 2020 года[2][3] — Міністр сельскай гаспадаркі і харчавання Беларусі.