Анатоль Васільевіч Філіпчанка (26 лютага 1928, Давыдаўка, Варонежская губерня — 7 жніўня 2022) — лётчык-касманаўт СССР № 19, двойчы Герой Савецкага Саюза (1969, 1974). Генерал-маёр авіяцыі (1978).
Скончыў Чугуеўскае ваенна-авіяцыйнае вучылішча ў 1950 годзе, Ваенна-паветраную акадэмію ў 1961 годзе. У 1963-82 гадах у Цэнтры падрыхтоўкі касманаўтаў. 12-17 кастрычніка 1969 года з У. М. Волкавым і В. В. Гарбатко здзейсніў палёт на касмічным караблі (КК) «Саюз-7», 2-8 снежня 1974 года з М. М. Рукавішнікавым — палёт на КК «Саюз-16» па праграме ЭПАС (2 разы як камандзір). У космасе правёў 10,9 сутак.
Залаты медаль імя К. Э. Цыялкоўскага АН СССР, Дзяржаўная прэмія СССР (1981).