**Аміян Марцэлін** (лац. Ammianus Marcellinus; каля **330**, [Антыёхія](/Антыёхія "Антыёхія"), [Рымская імперыя](/Рымская_імперыя "Рымская імперыя") — пасля [395](/395 "395"), верагодна, [Рым](/Рым "Рым")) — старажытнарымскі [гісторык](/Гісторыя "Гісторыя"). Удзельнічаў у войнах Рыма з [персамі](/Персы "Персы") ў сярэдзіне IV стагоддзя, таксама служыў у заходняй частцы Імперыі. Па паходжанню [сірыйскі](/Сірыя "Сірыя") [грэк](/Эліны "Эліны"), аднак свой адзіны твор «Дзеі» напісаў на [латыні](/Лацінская_мова "Лацінская мова"). Захавалася частка гістарычнай працы (кнігі XIV—XXXI), якае ахоплівае перыяд 353—378 гадоў, наогул жа апавяданне пачыналася з праўлення імператара [Нервы](/Нерва "Нерва") (96 н.э.). Упершыню з еўрапейскіх аўтараў апісаў [гунаў](/Гуны "Гуны"). Аміяна Марцэліна часам характарызуюць як апошняга буйнога рымскага або наогул антычнага гісторыка.