Амфірора прыбраная[1] (Amphiprora ornata) — від дыятомавых водарасцей сямейства Amphipleuraceae.
Панцыр тонкі, з паяска прамавугольны, злёгку звужаны пасярэдзіне, даўжынёй 35-115 мкм, шырынёй 18-30 мкм. Створкі вузкалінейныя з S-падобнавыгнутым кілем. Штрыхі на створцы далікатныя, на кілі — выразна пункцірныя. Мяжа паміж створкай і кілем зубчастападобная[1].
На тэрыторыі Беларусі адзначана ў літаралі азёр Кашо Гарадоцкага і Сасноўскае Шумілінскага раёнаў, у рацэ Прыпяць[1].