У Вікіпедыі ёсць артыкулы пра іншых асоб з прозвішчам Арастовіч. Аляксей Мікалаевіч Арастовіч (нар. 3 жніўня 1975, Грузія) — украінскі палітык, разведчык, блогер, палітычны і ваенны аглядальнік, калумніст інтэрнэт-СМІ, акцёр, арганізатар псіхалагічных семінараў і трэнінгаў і дабрачыннага фонду для псіхалагічнай падтрымкі вайскоўцам у зоне АТА (2014—2017)[2].
Спікер ТКГ і саветнік па інфармацыйнай палітыцы кіраўніка ўкраінскай дэлегацыі ў Мінскай групе[3]. Пазаштатны саветнік кіраўніка Офіса Прэзідэнта Украіны Андрэя Ермака(руск.) бел. па пытаннях стратэгічных камунікацый у сферы нацыянальнай бяспекі і абароны[4][5][6]. Падпалкоўнік (2022)[7].
Бацька этнічны беларус са Слуцка[8]. Частку дзяцінства правёў у Беларусі[9].
Кадравы афіцэр Узброеных сіл Украіны, разведчык, капітан запасу. Службовая дзейнасць была звязана з распрацоўкамі ў галіне аператыўнай псіхалогіі, канфлікталогіі і псіхалогіі экстрэмальных сітуацый. Заснавальнік грамадскай арганізацыі «Народны рэзервіст» па падрыхтоўцы дабравольцаў для войска, ваенны эксперт[10].
Арганізатар псіхалагічных семінараў і трэнінгаў і дабрачыннага фонду для псіхалагічнай падтрымкі ўдзельнікаў АТА (2014—2017)[11]. Дарадца ўкраінскай дэлегацыі ў Трохбаковай кантактнай групе[12].
З 1 снежня 2020 года дарадца Офіса Прэзідэнта Украіны[13].