У Вікіпедыі ёсць артыкулы пра іншых асоб з прозвішчам Кулакоўскі.
Аляксей Елісеевіч Кулакоўскі (псеўданім Ексекюлях Аляксей; якуцк.: Өксөкүлээх Өлөксөй; 4 (16) сакавіка 1877, 4-ы Жахсагонскі наслег, Ботурускі ўлус, Якуцкая вобласць — 6 чэрвеня 1926, Масква) — якуцкі пісьменнік. Заснавальнік якуцкай літаратуры.
Аляксей Кулакоўскі нарадзіўся 4 (16) сакавіка 1877 года ў сям’і гавядніка ў 4-м Жахсагонскім наслегу Ботурускага ўлуса Якуцкай вобласці. Скончыў рэальнае вучылішча ў Якуцку ў 1897 годзе. Ён шмат падарожнічаў па родным краі, вывучаючы яго прыродныя багацці, этнаграфію, эканоміку.
У снежні 1925 года выехаў дэлегатам ад Якуцкай АССР на I цюркалагічны з’езд у Баку. Па шляху захварэў, памёр ад хваробы ў Маскве 6 чэрвеня 1926 года. Пахаваны ў Маскве на Данілаўскіх могілках.