Аляксандр Якаўлевіч Сіленка (нар. 1 снежня 1950, Масква, Расія) — беларускі фізік, спецыяліст у галіне фізікі атамнага ядра і элементарных часціц. Доктар фізіка-матэматычных навук (2012).
Скончыў Беларускі дзяржаўны ўніверсітэт (спецыяльнасць «Фізіка», 1972).
Працаваў у Беларускім дзяржаўным універсітэце (Інстытут ядзерных праблем, лабараторыя ядзернай оптыкі і космамікрафізікі, вядучы навуковы супрацоўнік), адначасова ў рамках міжнароднага супрацоўніцтва Аб’яднаны інстытут ядзерных даследаванняў (г. Дубна, Расія; лабараторыя тэарэтычнай фізікі імя М. М. Багалюбава, вядучы навуковы супрацоўнік).
Навуковыя інтарэсы: фізіка элементарных часціц; тэорыя гравітацыі; матэматычная фізіка.