wd wp Пошук: ⬜

Аляксандр Уладзіміравіч Грыгараў

У Вікіпедыі ёсць артыкулы пра іншых асоб з прозвішчам Грыгараў. Алякса́ндр Уладзі́міравіч Гры́гараў (нар. 9 лістапада 1948, Баранавічы) — беларускі дзяржаўны дзеяч, міністр спорту і турызму Рэспублікі Беларусь (2005—2009).

Біяграфія

Скончыў Беларускі дзяржаўны інстытут фізічнай культуры і Мінскую вышэйшую партыйную школу.

Пасля службы ў Савецкай Арміі працаваў на розных пасадах у ЦС ДССТ «Ураджай», затым быў начальнікам упраўлення Рэспубліканскага ДФСТ прафсаюзаў, намеснікам старшыні Рэспубліканскага савета ДФСТ прафсаюзаў.

З 1987 па 1996 год узначальваў рэспубліканскі фізкультурна-спартыўны клуб «Спорт».

З 1996 па 2003 год займаў пасаду намесніка міністра спорту і турызму Беларусі.

З 2003 года быў саветнікам Выканаўчага камітэта СНД.

З ліпеня 2005 па чэрвень 2009 года — міністр спорту і турызму Рэспублікі Беларусь[1][2].

Быў старшынёй Беларускай федэрацыі бокса (2005—2010).

У цяперашні час узначальвае кафедру фізічнай культуры і спорту Беларускага дзяржаўнага аграрнага тэхнічнага ўніверсітэта.

Кандыдат педагагічных навук, прафесар.

Узнагароды

Заслужаны трэнер БССР (1984).
Заслужаны работнік фізічнай культуры і спорту Рэспублікі Беларусь (2000).

Зноскі

Спасылкі

Старонка на сайце Прэс Дасье Архівавана 4 сакавіка 2016. (руск.)
9 лістапада Аляксандру Уладзіміравічу Грыгараву спаўняецца 65 гадоў(недаступная спасылка) (руск.)
Біяграфія на сайце Хто ёсть хто ў Рэспублікі Беларусь Архівавана 18 верасня 2014. (руск.)