У Вікіпедыі ёсць артыкулы пра іншых асоб з прозвішчам Кузняцоў. У Вікіпедыі ёсць артыкулы пра іншых асоб з прозвішчам Аляксандр Кузняцоў.
Аляксандр Пятровіч Кузняцоў (нар. 28 верасня 1951, Масква, Расія) — беларускі спецыяліст у галіне аўтаматычнага кіравання. Доктар тэхнічных навук (1992), прафесар (1994).
Сконыў Мінскі радыётэхнічны інстытут (спецыяльнасць «Аўтаматыка і тэлемеханіка», 1973), Маскоўскі авіяцыйны інстытут імя С. Арджанікідзе (аспірантура, 1977).
Працаваў у Беларускім дзяржаўным універсітэце інфарматыкі і радыёэлектронікі (з 1973; у 1995—2002 — загадчык кафедры аўтаматычнага кіравання, у 2002—2004 — дэкан факультэта, у 2004—2016 — прарэктар па вучэбнай рабоце, з 2016 — прафесар кафедры сістэм кіравання).
Навуковыя інтарэсы: дыскрэтныя сістэмы аўтаматычнага кіравання.
Медаль «За працоўныя заслугі» (2011), ганаровыя граматы Нацыянальнага сходу Рэспублікі Беларусь (2014), Нацыянальнай акадэміі навук Беларусі (2006), Міністэрства адукацыі Рэспублікі Беларусь (2011), знак «Выдатнік адукацыі» (2004) і інш.