Аляксандр Мікалаевіч Шалепін (руск.: Александр Николаевич Шелепин; 18 жніўня 1918, Варонеж — 24 кастрычніка 1994, Масква) — савецкі палітык і дзяржаўны дзеяч.
Аляксандр Шалепін нарадзіўся 18 жніўня 1918 года ў Варонежы. Вучыўся ў 1936—1939 і 1940—1941 гадах у Маскоўскім інстытуце гісторыі, філасофіі і літаратуры імя Н. Г. Чарнышэўскага (інстытут не скончыў). З 1939 па 1940 года служыў у РСЧА. У 1940 годзе ўступіў ва УКП(б). Таксама з 1940 года на працы ў адміністрацыйных органах УЛКСМ. З 1952 па 1958 гады — першы сакратар ЦК УЛКСМ. У 1958—1961 гадах — старшыня КДБ СССР. З 1961 года на партыйнай рабоце. У 1967 годзе узначаліў УЦСПС. З 1975 па 1984 гады — намеснік старшыні Камітэта па прафесійна-тэхнічнай адукацыі пры Савеце Міністраў СССР. З 1984 года — на пенсіі. Памёр 24 кастрычніка 1994 года ў Маскве.