У Вікіпедыі ёсць артыкулы пра іншых асоб з прозвішчам Сцяцко. Аляксандр Мікалаевіч Сцяцко (26 красавіка 1957, Баранавічы, Брэсцкая вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.
Нарадзіўся 26 красавіка 1957 года ў г. Баранавічы Брэсцкай вобласці.
Скончыў Мінскі дзяржаўны медыцынскі інстытут, урач-хірург, урач-эндаскапіст, арганізатар аховы здароўя; Акадэмію кіравання пры Прэзідэнце Рэспублікі Беларусь, менеджар-эканаміст.
Працаваў хірургам Баранавіцкай гарадской бальніцы; галоўным урачом медыка-санітарнай часці Баранавіцкага ВБА; загадчыкам аддзела аховы здароўя Баранавіцкага гарадскога выканаўчага камітэта; галоўным урачом Баранавіцкага ГТМА; галоўным урачом Баранавіцкай цэнтральнай паліклінікі.
З’яўляўся дэпутатам Брэсцкага абласнога Савета дэпутатаў дваццаць пятага і дваццаць шостага скліканняў.
У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.
Жанаты, мае дзвюх дачок.