Аляксандр Гратэндык (ням.: Alexander Grothendieck; 28 сакавіка 1928, Берлін — 13 лістапада 2014, Сен-Жырон) — французскі матэматык, уваходзіў у групу матэматыкаў, якія выступалі пад псеўданімам «Нікаля Бурбакі».
Вядомы рэвалюцыйным укладам у алгебраічную геаметрыю, а таксама значнымі вынікамі ў тэорыі лікаў, тэорыі катэгорый і гамалагічнай алгебры, раннія вынікі адносяцца да вобласці функцыянальнага аналізу. Лаўрэат прэміі Філдса (адмовіўся, 1966) і прэміі Крафарда (разам з П’ерам Дэлінем, 1988).