wd wp Пошук: ⬜

Аляксандр Віктаравіч Ждановіч

У Вікіпедыі ёсць артыкулы пра іншых асоб з прозвішчам Ждановіч.

Аляксандр Віктаравіч Ждановіч (24 чэрвеня 1964, Мінск, БССР) — савецкі і беларускі акцёр тэатра і кіно. З 1996 года вядомы як вядучы «Калыханкі» — «Маляваныч»[1][2].

Біяграфія

У 1985 годзе скончыў Беларускі тэатральна-мастацкі інстытут. З таго часу працуе ў Нацыянальным акадэмічным тэатры імя Горкага. З 1996 года вядзе (Маляваныч) перадачу «Калыханка» на Беларускім Тэлебачанні. Да таго быў вядучым Слаўкам-Забаўкам у дзіцячай перадачы «Літарынка»[3]. «Маляваныча» граў амаль 20 гадоў у перадачы «Калыханка», але ў 2015 годзе тэлевізійная кар’ера Аляксандра Ждановіча скончылася. Працягвае граць у тэатры. Заснавальнік і кіраўнік дзіцячага тэатра-студыі «Радасць» для дзяцей-інвалідаў і сірот пры Свята-Елісавецінскім манастыры, які пакінуў (ці быў звольнены) пасля арышту ў лістападзе 2020 г.[4][5] Мастацкі кіраўнік Міжнароднага каляднага фестывалю батлеечных і лялечных тэатраў «Нябёсы»[6].

Сям’я

Жонка — Людміла Ждановіч — артыстка тэатра лялек. Маюць двух сыноў[7].

Фільмаграфія

1982 — Купальская ноч — Васілёк
1989 — Высокая кроў
1991 — Запісы маладога ўрача — жаніх
1992 — Белыя адзежы
1993 — Не хочу жаніцца!
1993 — Хачу ў Амерыку
1996 — З пеклаў у пекла
1996 — Птушкі бяз гнёздаў
1998 — Прывітанне ад Чарлі-трубача
1998 — Забіць ліцадзея
1999 — Пракляты ўтульны дом
1999 — Паскораная дапамога
1999 — Рэйнджар з атамнай зоны
1999 — Каменска-1 — Лыкаў
2004 — Мужчыны не плачуць
2004 — На бязымянная вышыні
2005 — Глыбокая Плынь
2005 — Прызванне — Кураў
2006 — Выклік-2 — Курдзюмаў
2006 — Спакуса — Вадзім Нявінны
2009 — Суд
2009 — Тэрарыстка Іванова — Валодзя Дзеравянка
2010 — Жураў 2 — Дырэктар
2010 — Помста — Галоўурач псіхлячэбніцы
2010 — Псеўданім «Албанец» 3
2011 — У ракі два берагі — Шухаеў

Цікавыя факты

Прытрымліваецца царкоўных пастоў, лёгка адмаўляецца ад мяса. Як сам кажа, таму гэткі худы[2].
Займаецца маляваннем. На сваё 40-годдзе арганізаваў выстаўку сваіх малюнкаў супольна з дзіцячымі, дасланымі на «Калыханку».

Зноскі

↑ Маляваныч в детстве мечтал стать милиционером Архівавана 7 сакавіка 2016. Наталля Явід, «Вечерний Минск» 10 верасня 2004
1 2 Александр Жданович: «В жизни я — Маляваныч!» Архівавана 26 лютага 2017. Жан Содэль, «Вечерний Минск», № 192—193 (11164-11165) 1 верасня 2006
↑ Вечерний сказочник Архівавана 7 сакавіка 2016. Ірына Завадская, «Советская Белоруссия», № 244 (22154) 24 снежня 2004
↑ Працоўная група «Хрысціянская візія» Каардынацыйнай рады Беларусі Мониторинг преследований по основаниям, связанным с религией, во время политического кризиса в Беларуси (нявызн.). Царква і палітычны крызіс у Беларусі. Праверана 31 сакавіка 2021.
↑ Свято-Елисаветинский монастырь выгнал “Маляваныча” — но “не за политику” (нявызн.). Еврорадио (25 лістапада 2020). Праверана 31 сакавіка 2021.
↑ nashaniva.by
↑ Два имени — одно лицо Архівавана 26 лютага 2017. Анатоль Смольскі, «Белорусская Деловая Газета», № 1476 2 лістапада 2004

Спасылкі

Жыццяпіс на Кіна-тэатр.ру