У Вікіпедыі ёсць артыкулы пра іншых асоб з прозвішчам Асяненка. Аляксандр Васілевіч Асяне́нка (нар. 28 чэрвеня 1953, г.п. Астравец, Астравецкі раён, Гродзенская вобласць) — беларускі архітэктар.
Скончыў у 1975 годзе Беларускі палітэхнічны інстытут[1]. У 1975—1993 гадах працаваў у інстытуце Віцебскграмадзянпраект: архітэктар, старэйшы архітэктар, кіраўнік групы, галоўны архітэктар праектаў, кіраўнік Архітэктурна-канструктарскай майстэрні № 1. У 1991—2004 гадах дырэктар «Творчай майстэрні архітэктара А. В. Асяненкі», з 2004 года — галоўны архітэктар ААТ «Сіці-Арх плюс»[2].
Сябра Саюза архітэктараў СССР з 1979 года[1]. У 1992—1998 гадах старшыня Віцебскай абласной арганізацыі Саюза архітэктараў і член рэспубліканскага Савета БСА[2]. Член КПСС з 1986 года.
Пражывае ў Віцебску па пр. Фрунзэ, 17а[2].
Асноўныя работы ў Віцебску (у сааўтарстве): комплекс інтэрнатаў на праспекце Перамогі, 82-кватэрны дом па вуліцы Чкалава, 24-кватэрны дом па вул. Леніна, жылыя дамы № б, 7, 8 па праспекце Будаўнікоў (1981, 1986, 1987), 12-павярховы жылы дом для маласямейных (1987) [1].
Узнагароджаны граматай Віцебскага аблвыканкама, дыпломамі рэспубліканскіх архітэктурных аглядаў-конкурсаў Беларусі і Расіі, Ганаровымі граматамі БСА[2].