У Вікіпедыі ёсць артыкулы пра іншых асоб з прозвішчам Мінкевіч.
Альберт Вітольдавіч Мінкевіч (нар. 13 сакавіка 1941, Мінск) — беларускі фізік-тэарэтык. Доктар фізіка-матэматычных навук (1986), прафесар (1988). Член Еўрапейскай акадэміі навук (Брусель, 2002).
Скончыў Беларускі дзяржаўны ўніверсітэт (спецыяльнасць «Фізіка», 1963).
Працуе ў Беларускім дзяржаўным універсітэце (з 1964, фізічны факультэт, кафедра тэарэтычнай фізікі і астрафізікі, прафесар).
Навуковыя інтарэсы: калібровачны падыход у тэорыі гравітацыйнага ўзаемадзеяння; рэлятывісцкая касмалогія і астрафізіка.