Альберта Буры (італ.: Alberto Burri; 12 сакавіка 1915, Чыта-дзі-Кастэла, Італія — 13 лютага 1995, Ніца) — італьянскі мастак.
Альберта Буры нарадзіўся ў 1915 годзе ў Чыта-дзі-Кастэла. Яго бацька, П’етра Буры, быў вінагандляром, а яго маці, Караліна Тарэгіяні, настаўніцай пачатковай школы. Атрымаў медыцынскую адукацыю ва Універсітэце Перуджы, быў ваенным урачом падчас Другой сусветнай вайны. Пасля ўзяцця ў палон падчас службы ў італьянскім войску ў Паўночнай Афрыцы, знаходзіўся ў Херэфардзе, Тэхас. Будучы ваеннапалонным, у 1944, пачаў займацца жывапісам. Трагічная смерць яго малодшага брата Віторыа ў 1943 годзе аказала на яго моцны ўплыў. Пасля вызвалення ў 1945 годзе Буры пераехаў у Рым, яго першая персанальная выстава прайшла ў Galleria La Margherita у 1947 годзе. Апроч жывапісу, Буры займаўся сцэнічным афармленнем Ла Скала і іншых тэатраў. Мастак быў узнагароджаны італьянскім ордэнам за заслугі ў 1994 годзе.