Алексіс Ківі, сапр. Стэнваль (фінск.: Aleksis Kivi, Stenvall; 10 кастрычніка 1834 — 31 снежня 1872) — фінскі пісьменнік, пачынальнік рэалістычнай літаратуры на фінскай мове і адзін са стваральнікаў фінскай літаратурнай мовы.
Аўтар «камедыі характараў» «Шаўцы Нумі» (Nummisuutarit, 1864), зборніка лірычных вершаў «Канервала» (Kanervala, 1866) і аднаактовай лірычнай п’есы на біблейскую тэму «Лія» (Lea, 1869). З яе пастаноўкі ў тым жа 1869 вядзе свой пачатак фінскамоўны тэатр. Самы вядомы твор А. Ківі — раман «Сямёра братоў» (Seitseman veljesta; надрукаваны пасля смерці аўтара, у 1873). Гэта адзін з першых фінскамоўных раманаў.[7]
Тэксты Ківі маюць як рамантычныя, так і рэалістычныя рысы. Ківі зрабіў творчы ўнёсак у некалькіх галінах літаратуры, калі традыцыі фінскай літаратуры, за выключэннем народнай паэзіі, не існавала. Ён быў першым фінскім прафесійным пісьменнікам пачатку ХХ стагоддзя. Некалькі вершаў Алексіса Ківі і тэксты, уключаныя ў творы, складзены ў песні.