У Вікіпедыі ёсць артыкулы пра іншых асоб з прозвішчам Аляхновіч. Алег Міхайлавіч Аляхновіч (нар. 9 студзеня 1940, Магілёў) — беларускі фалькларыст, музыкант. Кандыдат філалагічных навук (1988), прафесар (2003).
Скончыў Маскоўскі дзяржаўны інстытут культуры (спецыяльнасць «Культасветработа», кваліфікацыя «Дырыжор народнага аркестра», 1967), Інстытут мастацтвазнаўства, этнаграфіі і фальклору АН БССР (аспірантура, 1987).
Працаваў у Тамбоўскім філіяле Маскоўскага дзяржаўнага інстытута культуры (выкладчык, 1967—1975), з 1975 — Беларускі дзяржаўны ўніверсітэт культуры і мастацтваў (факультэт беларускай і сучаснай мастацкай культуры, кафедра рэжысуры абрадаў і святаў, прафесар), адначасова мастацкі кіраўнік народнага фальклорнага калектыва «Крынічанька» (гар. пас. Рудзенск, Мінская вобласць).
Навуковыя інтарэсы: музычны фальклор на сцэне, ва ўстановах адукацыі і культуры; абрадава-святочная культура беларусаў.