wd wp Пошук: ⬜

Алег Віктаравіч Чарнышоў

У Вікіпедыі ёсць артыкулы пра іншых асоб з прозвішчам Чарнышоў.

Алег Віктаравіч Чарнышоў (нар. 18 сакавіка 1939) — навуковы даследчык у сферы дызайну, кандыдат філасофскіх навук, дацэнт. Сябра Грамадскага аб’яднання Беларускі саюз дызайнераў [1].

Біяграфія

У 1968 годзе скончыў Беларускі дзяржаўны тэатральна-мастацкі інстытут. Навучаўся ў В. І. Гусева, І. Я. Герасіменка. У 1984—1990 гг. працаваў заведуючым кафедры дызайна БДТМІ. З 1987 г. сябра Беларускага саюза дызайнераў.

Жыве і працуе ў Мінску.

Навукова-даследчая дзейнасць

Займаецца навукова-даследчай і пелагагічнай дзейнасцю па наступных спецыялізацыях: навукова-тэарэтычныя, метадалагічныя, мастацка-кампазіцыйныя праблемы дызайн-дзейнасці і пытанні развіцця праектна-творчага мыслення спецыялістаў у галіне канцэптуальнага дызайну.

Мае больш за 80 навуковых публікацый і тэарэтычных распрацовак у галіне тэорыі, метадалогіі і методыкі дызайн-адукацыі, а таксама 10 аўтарскіх пасведчанняў на прамысловыя ўзоры і вынаходкі [2].

Публікацыі

«Некаторыя асаблівасці дызайн-дзейнасці і падрыхтоўка кадраў». — Працы Усесаюзнага навукова-даследчага інстытута тэхнічнай эстэтыкі, М., 1976.
«Bilden gegen Leitbilaen». — Fom+Zwech, DDR, 1981, у суаўтарстве.
«Канцэпцыя ўзаемадзеяння і метадалагічныя праблемы дызайну». -Аўтарэферат на атрыманне вучонай ступені к.ф.н.
«Праблемы агульнамастацкай падрыхтоўкі студэнтаў кафедры прамысловага мастацтва». — Мн., 1983.

Асноўныя навуковыя працы

Вучэбна-метадычны дапаможнік «Фармальная кампазіцыя. Творчы практыкум» — Мн., «Харвест», 1999.
Прынцыпы пабудовы ўступнага іспыту па дызайне. — Мн., ЕГУ, 2001.
Канцэптуальны дызайн: вопыт распрацоўкі базавай мадэлі і вучэбна-метадычнага забеспячэння прафесійнай падрыхтоўкі дызайнераў у Рэспубліцы Беларусь. — Мн., ЕГУ, 2004.
Дызайн-адукацыя: новая мадэль прафесійнай падрыхтоўкі дызайнераў. — Мн., «Прапілеі», 2006.
Творчасць: уступны экзамен для абітурыентаў, якія паступаюць вучыцца па спецыяльнасці «Дызайн». — Мн., БДУ, 2008.
Кампазіцыя: творчы практыкум. — Мн., «Беларусь», 2012[3], 2013.

Зборнікі вершаў

Аўтабіяграфія пачуццяў. — Мн., «Прапілеі», 2010.
Адлюстраванні. — Мн., «Прапілеі» 2011.
Адлюстраванні-2. — Мн., Выдавец А. Н. Вараксіна, 2015.

Зноскі

↑ Сайт Беларускага саюза дызайнераў(нявызн.).
↑ “Тутэйшы дызайн. Асобы і рэчы”(нявызн.) (недаступная спасылка). Архівавана з першакрыніцы 13 красавіка 2021. Праверана 13 красавіка 2021.
↑ “Красная книга Чернышева”(нявызн.) (недаступная спасылка). Архівавана з першакрыніцы 13 красавіка 2021. Праверана 13 красавіка 2021.