У Вікіпедыі ёсць артыкулы пра іншых асоб з прозвішчам Грыб.
А́ла Лаўрэ́нцьеўна Грыб (нар. 15 студзеня 1936, Сочы) — дзяржаўны дзеяч БССР.
Член КПСС (1962). Скончыла Кіеўскі тэхналагічны інстытут лёгкай прамысловасці (1958), Мінскую ВПШ (1965).
З 1958 года начальнік змены, інжынер лабараторыі, начальнік цэха Мінскай абутковай фабрыкі імя Тэльмана, з 1965 года намеснік начальніка аддзела збыту, намеснік сакратара парткама, сакратар парткама Мінскага вытворчага аб’яднання «Луч», з 1969 сакратар, 2-гі сакратар, 1-ы сакратар Цэнтральнага РК КПБ г. Мінска. З 1978 года міністр бытавога абслугоўвання насельніцтва БССР.
Дэпутат Вярхоўнага Савета БССР 9—11 скліканняў. Член ЦК КПБ з 1981 года.