Аксыўская культура — археалагічная культура жалезнага веку (II стагоддзе да н.э. — I стагоддзе), размешчаная на тэрыторыі паўночнай Польшчы. Асацыюецца з германскімі плямёнамі гоцкай групы і ругаў. Скарыла плямёны паморскай культуры. Затым выцесніла плямёны пшэварскай культуры на паўднёвы ўсход. Пазней эвалюцыянавала ў вельбарскую культуру.
Аксыўская культура храналагічна і тэрытарыяльна супадае (паводле Тацыта) з гатонскім «каленам» германцаў (найстаражытныя бургунды, вандалы, готы). Некаторыя даследчыкі паказваюць нароўні з готамі на ругаў як на носьбітаў аксыўскай культуры[1].