Ака́пі (Okapia johnstoni) — парнакапытнае млекакормячае сямейства Жырафавыя (Giraffidae).
Даўжыня цела каля 2 м, вышыня ў карку да 1,2 (1,5—1,65[1]) м, маса каля 250 кг. Афарбоўка карычняватая са светлымі папярочнымі палосамі на нагах. Морда выцягнутая, вушы вялікія, у самца 2 невялікія рагі, рагавыя чахлы на канцах рагоў штогод зменьваюцца.
Жыве ў Афрыцы ў вільготных трапічных лясах басейна ракі Конга. Рэдкая жывёліна.
Корміцца лісцем, парасткамі і пладамі раслін. Цяжарнасць 14—15, лактацыя 6 месяцаў.
Трымаюць у заапарках, дзе паспяхова размнажаецца.