wd wp Пошук: ⬜

Айман аз-Завахіры

Айман аз-Завахіры (араб. أيمن الظواهري, Ayman al-Zawahiri, дакладная транслітарацыя ALFB: Åỉmɑn alƵ̑ɑuaeɩri; 19 чэрвеня 1951, Каір — 31 ліпеня 2022, Кабул, Афганістан) — міжнародны тэрарыст, радыкальны ісламіст, лідар тэрарыстычнай групоўкі Аль-Каіда (2011—2022), урач, ісламскі багаслоў, пісьменнік.

Біяграфія

Нарадзіўся 19 чэрвеня 1951 года ў Егіпце ў сям’і прафесара фармакалогіі. У 1974 годзе скончыў медыцынскі факультэт Каірскага ўніверсітэта па спецыяльнасці хірург.

Айман аз-Завахіры быў галоўным ідэолагам глабальнай тэрарыстычнай сеткі «Аль-Каіды» на працягу некалькіх дзесяцігоддзяў і адыграў цэнтральную ролю ў нападах на амбасады ЗША ў Кеніі і Танзаніі ў 1998 годзе, у выніку якога загінулі амаль 3000 чалавек. Заняў пасаду лідара «Аль-Каіды» пасля таго, як Усама бін Ладэн быў забіты падчас рэйду войск ЗША ў Пакістане ў 2011 годзе. Пры жыцці бін Ладэна агенцтва Бі-Бі-Сі называла Завахіры «другім чалавекам у Аль-Каідзе».

У Егіпце Айман аз-Завахіры быў завочна прысуджаны да смяротнага пакарання. 25 верасня 2001 года Інтэрпол выдаў ордэр на ягоны арышт. Быў забіты 31 ліпеня 2022 года ў Кабуле ў выніку ўдару амерыканскага беспілотніка.

Зноскі

↑ Ayman al-Zawahiri // Encyclopædia Britannica Праверана 9 кастрычніка 2017.
↑ Ayman al-Ẓawāhirī // AlKindi
↑ Ayman al- Zawahiri // Munzinger Personen Праверана 9 кастрычніка 2017.
↑ Estados Unidos mata al líder de Al Qaeda en una “exitosa” operación contra el terrorismo
↑ Estados Unidos mata al líder de al Qaeda, Ayman al-Zawahiri, en un ataque con drones en Afganistán — 2022.
↑ Politico, Politico magazine — Washington: 2007. — ISSN 2381-1595
1 2 3 (unspecified title) Праверана 2 жніўня 2022.

Спасылкі

На Вікісховішчы ёсць медыяфайлы па тэме Айман аз-Завахіры