У гэтага паняцця ёсць і іншыя значэнні, гл. Галаўня (значэнні). Адрыян Галаўня (1750—1831) — беларускі ўніяцкі дзеяч, грэка-каталіцкі біскуп.
Уступіў у Ордэн базыльянаў. 22 верасня 1809 прызначаны дапаможным біскупам віленскім, тытулярным біскупам аршанскім, а 10 студзеня 1811 быў пасвечаны на тытулярнага біскупа аршанскага. Хіратанію здзейсніў грэка-каталіцкі архібіскуп Рыгор Кахановіч у прысутнасці рымска-каталіцкіх біскупаў Якуба Дадэркі і Цыпрыяна Адынца. У 1818 прызначаны дапаможным біскупам мінскім. У 1828 сыйшоў на пенсію. Трэба адзначыць, што маці Францішка Багушэвіча - Канстанцыя, з’яўлялася роднай пляменніцай біскупа Адрыяна Галаўні. Таму заснавальнік сучаснай беларускай літаратуры пісаў у вершы «Свая зямля»: «Былі уніяты калісьці дзяды».