У Вікіпедыі ёсць артыкулы пра іншых асоб з прозвішчам Суарэс.
Адольфа Суарэс Гансалес, 1-ы герцаг Суарэс (ісп.: Adolfo Suárez González, 25 верасня 1932, Себрэрас, правінцыя Авіла — 23 сакавіка 2014, Мадрыд) — іспанскі дзяржаўны дзеяч. Па прафесіі адвакат, член калегіі адвакатаў Мадрыда. Першы старшыня ўрада Іспаніі з 3 ліпеня 1976 па 29 студзеня 1981 года. Пасля падзення рэжыму Франка Адольфа Суарэсу ўдалося аб’яднаць Іспанію, легалізаваць палітычныя партыі, правесці першыя дэмакратычныя выбары, прыняць канстытуцыю краіны.