Авадні (Oestridae) — сямейства насякомых з атрада двухкрылых. Адносіцца да сінантропных мух (мух, экалагічна звязаных з селішчамі людзей).
Цела даўжынёй 9—22 мм, укрыта валаскамі, радзей голае. Ротавыя органы рудыментарныя.
Дарослыя не жывяцца, жывуць 3—25 сутак за кошт рэчываў, назапашаных у лічынкавай стадыі. У развіцці праходзяць стадыі яйца, лічынкі (9—10 месяцаў), кукалкі, дарослай асобіны.
Жывародныя, самка ў палёце ўпырсквае лічынак у ноздры авечак, коз, коней, вярблюдаў, аленяў, антылоп. Лічынкі паразітуюць на павеку, слізістай абалонцы вока і носа, унутры вочнага яблыка. Пры пранікненні ўнутр галавы спелыя лічынкі акукліваюцца ў глебе, гнаі, паразітуюць у скуры, лобных пазухах, насаглотцы, страўніку, галаве, вачах жывёл.
Выклікаюць поласцевыя міязы.
Да сямейства ставяцца 35 відаў у 9 родах[1]: