Абу аль-Хасан аль-Хашымі аль-Курашы[1] (араб. أبو الحسن الهاشمي القرشي) — трэці лідар «Ісламскай дзяржавы». Узначаліў групоўку 10 сакавіка 2022 года. Аб яго абранні абвясціў спікер ІД Абу Амар аль-Мухаджыр у сваім аўдыёзвароце. Прызначэння новага кіраўніка арганізацыі адбылося ў сувязі з гібеллю папярэдняга халіфа Абу Ібрагіма аль-Хашымі аль-Курашы[2].
Паводле непацверджанай інфармацыі, сапраўднае імя аль-Курашы — Джума Авад аль-Бадры, і ён з’яўляецца старэйшым братам першага лідара ІД Абу Бакра аль-Багдадзі. Да свайго абрання кіраўніком групоўкі Курашы быў старшынёй Савета шуры[3].
26 мая 2022 года інфармаваныя крыніцы паведамілі Sky News Arabia, што Абу аль-Хасан быў арыштаваны ў Стамбуле[4][5].