.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
У Вікіпедыі ёсць артыкулы пра іншых асоб з прозвішчам Назараў. Юрый Віктаравіч Назараў (нар. 1962, Горкі, Магілёўская вобласць) — беларускі дзяржаўны дзеяч, кіраўнік справамі Прэзідэнта Беларусі (з 2022), намеснік прэм’ер-міністра Беларусі (2020—2022).
Скончыў Беларускі тэхналагічны інстытут па спецыяльнасці «Лясная гаспадарка», Акадэмію кіравання пры Прэзідэнце Рэспублікі Беларусь па спецыяльнасці «Міжнародныя эканамічныя адносіны». З 1981 па 1982 г. працаваў лабарантам Беларускага тэхналагічнага інстытута ім. С. М. Кірава. З 1983 па 1988 г. працаваў ляснічым Зуброўскага лясніцтва, інжынерам па ахове лесу і паляўнічай фауны, галоўным ляснічым Горацкага лясгаса. У 1988—2001 гадах з’яўляўся выконваючым абавязкі дырэктара, дырэктарам Горацкага лясгаса. З 2001 па 2004 год займаў пасаду намесніка старшыні Камітэта лясной гаспадаркі пры Савеце Міністраў Рэспублікі Беларусь, з 2004 па 2010 г. — намесніка Міністра лясной гаспадаркі Рэспублікі Беларусь. У 2010—2013 гады з’яўляўся намеснікам Кіраўніка спраў Прэзідэнта Рэспублікі Беларусь. 17 снежня 2013 г. пастановай Савета Міністраў Рэспублікі Беларусь № 1090 прызначаны старшыней канцэрна «Беллеспаперапрам».
3 сакавіка 2020 года прызначаны Намеснікам Прэм’ер-міністра Беларусі[2].
16 жніўня 2022 года прызначаны кіраўніком справамі Прэзідэнта Беларусі[3].