wd wp Пошук:
    ⬜

    ФК Капенгаген

    «Капенгаген» (дацк.: Football Club København) — дацкі футбольны клуб з горада Капенгаген, заснаваны ў 1992 годзе ў выніку аб’яднання клубаў «Капенгаген» і «ФКБ 1903». Выступае на стадыёне Паркен. З’яўляецца адным з самых паспяховых клубаў Даніі (14 тытулаў чэмпіёна, 8 кубкаў і дзве перамогі ў Каралеўскай лізе). Галоўны супернік клуба — «Брондбю».

    Гісторыя

    Футбольны клуб «Капенгаген», у многіх адносінах, з’яўляецца як новым клубам, але з багатай гісторыяй, якой маецца больш чым за сто гадоў. Клуб з’яўляецца ўнікальным, бо з’яўляецца першым клубам у Скандынавіі, які прадстаўляе адразу два клубы: «Капенгаген Больклуб», найстарэйшы футбольны клуб у кантынентальнай Еўропе, які быў заснаваны ў 1876 годзе, і клуб «Больклуб 1903», які быў заснаваны ў 1903 годзе. Два капенгагенскія клубы аб’ядналі свае першыя каманды 1 ліпеня 1992 года, стварыўшы такім чынам новы клуб. «Капенгаген» выкарыстаў ліцэнзію клуба «Больклуб 1903», каб узяць удзел у Суперлізе, у той час як «Капенгаген Больклуб» стаў афіцыйнай рэзервовай камандай клуба. З аднаўленнем стадыёна Паркен, які таксама з’яўляецца хатняй арэнай зборнай Даніі, новы клуб ад самага пачатку распачаў выступы на сучасным стадыёне. «Капенгаген» адразу нацэльваўся на высокія мэты.

    У гэты час клуб кіраваўся Бені Ёхансенам і адразу дора пачаў свае выступы. Клуб адразу ўзяў удзел у Кубку Інтэртота, збіўшы ў першым матчы швейцарскі «Грасхопер» з лікам 2:1[2]. У выніку капенгагенскі клуб атрымаў перамогу ў сваёй групе і атрымаўшы права на ўдзел у Кубку УЕФА, дзе, аднак, саступіў у супрацьстаянні з французскім «Асерам». У сезоне 1992/93 «Капенгаген» атрымаў перамогу ў айчыннам чэмпіянаце, на адзін пункт апярэдзіўшы «Одэнсэ» і на два — «Брондбю», які ў выніку стаў трэцім[3]. Ад сезона 1993/94 у клубе было шмат чаканняў, але сезон пачаўся з буйнога паражэння ад італьянскага «Мілана» ў кваліфікацыі Лігі чэмпіёнаў. «Капенгаген» да зімовага перапынку абсталяваўся на трэцім месцы, але ўвесну клуб дагнаў лідара чэмпіянату клуб «Сількебарг». У перадапошнім матчы сезона гэтыя дзве каманды сустрэліся паміж сабой на стадыёне Паркен. Гульня, між тым, усталявала новы рэкорд наведвальнасці ў 26 679 чалавек[4]. «Капенгаген» перамог у матчы з лікам 4:1, тым самым клуб абышоў «Сількебарг» на адзін пункт і ўварваўся на першы радок, аднак у фінальнай гульні сезона атрымаў паражэнне ад «Одэнсэ» з лікам 3:2 і, у выніку, заняў толькі другое месца[5].

    Дасягненні

    Данія

    Зноскі

    1. ↑ https://www.krcgenk.be/nl/nieuws/4060/jess-thorup-keert-terug-naar-denemarken
    2. ↑ 01.07. F.C. København — Grasshoppers. F.C. Copenhagen
    3. ↑ Season 1992/93 — «We are the champions» Архівавана 11 жніўня 2009.. F.C. Copenhagen
    4. ↑ 05.06 °F.C. Copenhagen — Silkeborg IF. F.C. Copenhagen.
    5. ↑ Season 1993/94 — So near… — but so far! Архівавана 11 жніўня 2009.. F.C. Copenhagen.

    Спасылкі

    Тэмы гэтай старонкі (6):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Футбольныя клубы паводле алфавіта
    Катэгорыя·Футбольныя клубы Даніі
    Катэгорыя·Футбольныя клубы, заснаваныя ў 1992 годзе
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·ФК Капенгаген