«Еўраэкспарт» — беларускі аматарскі футбольны клуб з Высокага Брэсцкай вобласці. У цяперашні час выступае ў Другой лізе чэмпіянату Беларусі. Свае хатнія матчы праводзіць на стадыёне «Колас» у горадзе Камянец.
Клуб быў заснаваны ў 2020 годзе. У сезоне 2020 выступаў у чэмпіянаце Брэсцкай вобласці, а на наступны год заявіўся ў Другую лігу.
У першым туры Другой лігі матч з бярозаўскім «Крэчатам» завяршыўся з лікам 0:0. Спачатку «Крэчат» паскардзіўся на незарэгістраванага іграка ў саперніка і атрымаў тэхнічную перамогу 3:0. Пасля «Еўраэкспарт» знайшоў у «Крэчата» дакладна такога ж іграка. У выніку, абедзвюм камандам залічаны тэхнічныя паражэнні[1].
Сезон | Ліга | М | Г | В | Н | П | Галы | Ачкі | Кубак | Заўвагі |
---|---|---|---|---|---|---|---|---|---|---|
2020 | Чэмпіянат Брэсцкай вобласці (Д4) | 8 | 18 | 5 | 2 | 11 | 31–57 | 17 | ||
2021 | Другая — Брэсцкі дывізіён — Захад (Д3) | 8 | 14 | 1 | 2 | 11 | 14–73 | 5 | 1/128 фіналу | |
Другая — Брэсцкі дывізіён — Стыкавыя матчы (Д3) | 16 | 2 | 0 | 0 | 2 | 4–9 | ||||
2022 | Другая — Брэсцкі дывізіён — Захад (Д3) | 3 | 10 | 4 | 2 | 4 | 20–24 | 14 | 1/128 фіналу | |
Другая — Брэсцкі дывізіён — Фінальны этап (Д3) | 6 | 10 | 1 | 0 | 9 | 8–46 | 3 | |||