Таюань[2] — гарадская акруга ў Кітаі, адміністрацыйны цэнтр правінцыі Шаньсі, знаходзіцца на рацэ Фэньхэ (басейн Хуанхэ). Чорная металургія, цяжкае машынабудаванне, хімічная, лёгкая прамысловасць. У раёне Таюаня — здабыча вугалю (Сішань), жалезнай руды, вапняка. Міжнародны аэрапорт Таюань Усу. Кантынентальна-мусонны клімат, зімой выпадае снег. Лета дажджлівае, вясна сухая і ветраная. Увосень надвор’е цёплае і яснае. Сярэднегадавая тэмпература 9,5℃. Сярэдняя тэмпература студзеня −6,4℃, ліпеня 23,5℃. Маразы з сярэдзіны кастрычніка да сярэдзіны красавіка, каля 140—190 дзён. Гадавая колькасць ападкаў — 500 мм.