Стывен Джозеф Харпер (англ.: Stephen Joseph Harper; 30 красавіка 1959, Таронта, правінцыя Антарыа, Канада) — канадскі палітык, лідар правячай Кансерватыўнай партыі Канады. З 26 лютага 2006 Харпер з’яўляецца 22-ім і цяперашнім прэм’ер-міністрам краіны. У ніжняй палаце канадскага парламенту ён прадстаўляе акругу Паўднёвы захад Калгары (правінцыя Альберта).
Харпер атрымаў ступені бакалаўра і магістра па эканоміцы ў Калгарыўскім універсітэце. Гэта першы канадскі прэм’ер-міністр з 1968, які не з’яўляецца юрыстам.