Рыгор Рыгоравіч Лазько (нар. 28 мая 1948, в. Вулька Першая, Лунінецкі раён, Брэсцкая вобласць) — беларускі гісторык. Доктар гістарычных навук (2003), прафесар (2002).
У 1973 годзе скончыў Беларускі дзяржаўны ўніверсітэт, аспірантуру (1978), дактарантуру (2001).
У 1979 абараніў кандыдацкую дысертацыю па тэме: «Польско-французские отношения в годы подготовки Германией агрессии в Европе (1933—1937)», у 2001 доктарскую дысертацыю па тэме: «Еўрапейская палітыка Польшчы (1932—1939 гг.)».
З 1973 года працуе на гістарычным факультэце ГДУ імя Ф. Скарыны, загадчык кафедры усеагульнай гісторыі (у 1984—1998, 2004—2012).
Выкладаў курс «Гісторыю новага часу», спецкурсы — «Сацыялістычная мадэрнізацыя ў краінах Цэнтральнай і Паўднева-Усходняй Еўропы», «Крах Версальска-Вашынгтонскай сістэмы ў Усходняй Еўропе», «Пытанні новай і навейшай гісторыі замежных краін у школьным курсе».