wd wp Пошук: ⬜

Пётр Ільіч Клімук

У Вікіпедыі ёсць артыкулы пра іншых асоб з прозвішчам Клімук. Пётр Ільіч Кліму́к (нар. 10 ліпеня 1942, Камароўка, Брэсцкі раён) — беларускі савецкі касманаўт, палітычны дзеяч. Генерал-палкоўнік авіяцыі (у адстаўцы з 2003). Кандыдат тэхнічных навук (2000). Саветнік Аляксандра Лукашэнкі.

Біяграфія

Нарадзіўся ў вёсцы Камароўка (цяпер Брэсцкі раён). Бацька ў 1944-м годзе загінуў на фронце. Клімук навучаўся ў Вышэйшай школе авіяцыі Ленінскага камсамолу ў Чарнігаве і ўступіў у Савецкія Паветраныя Сілы ў 1964 годзе. Наступным годам ён быў абраны для ўдзелу ў касмічнай праграме.

Яго першы касмічны палёт здзейснены на караблі «Саюз-13» 18—26 снежня 1973 года. Затым была місія на касмічную станцыю «Салют-4» на «Саюзе-18» у 1975 годзе.

З 1976 года Клімук уключаны у праграму міжнародных касмічных палётаў, яго трэці і апошні касмічны палёт адбыўся летам 1978-га[1] разам з польскім касманаўтам Міраславам Гермашэўскім на «Саюзе-30».

Адзначаны вялікай колькасцю ўзнагарод: Герой Савецкага Саюза (двойчы), Ордэн Леніна (тройчы), польскі Ордэн Грунвальдскага Крыжа, Залаты медаль імя Цыялкоўскага, Залаты медаль імя Гагарына, а таксама Залаты медаль ад Польскай акадэміі навук. З’яўляецца ганаровым грамадзянінам Калугі, Гагарына, Джэзкагана.

Пётр Клімук аўтар дзвюх кніг пра касмічныя палёты — «За зорамі» і «Атака на бязважкасць».

Дэпутат Вярхоўнага Савету СССР 10-га склікання
Народны дэпутат СССР (1989—1991)
Лаўрэат Дзяржаўных прэмій СССР (1978, 1981)
Узнагароджаны Ганаровай граматай Нацыянальнага сходу Рэспублікі Беларусь (2002)[2]

Памяць

У 1978 годзе Брэсце ўстаноўлены бюст у гонар Пятра Ільіча Клімука (скульптар I. Міско, архітэктар С. Баткоўскі).

Зноскі

↑ Вікторыя Целяшук У космасе сніцца дом, а дома — космас // Звязда : газета. — 29 снежня 2009. — № 247 (26605). — С. 5. — ISSN 1990-763x.
↑ Постановление Президиума Совета Республики Национального собрания Республики Беларусь от 4 июля 2002 г. № 273-ПСР2 «О награждении П. И. Климука Почетной грамотой Национального собрания Республики Беларусь» Архівавана 18 лістапада 2011. (руск.)

Спасылкі

Пётр Ільіч Клімук на сайце «Героі краіны»