Пяят-Хя́мэ (фінск.: Päijät-Häme, шведск.: Päijänne-Tavastland) — вобласць Фінляндыі.
Мяжуе з абласцямі Уусімаа, Канта-Хямэ, Пірканмаа, Кескі-Суомі, Паўднёвае Сава, Кюменлаакса і Усходняя Уусімаа.
У межах Пяят-Хямэ размешчана возера Весіярві і паўднёвая частка возера Пяянэ.
Назва Пяят-Хямэ замацавалася ў 1950-я гады. Да 1997 года большая частка абшчын сучаснай вобласці ўваходзіла ў губерню Хямэ, акрамя размешчаных на ўсход ад возера Пяянэ абшчын Хейнала, Сюсмя і Хартала, якія ўваходзілі ў губерню Мікелі.
З 1997 года па 2009 год тэрыторыя вобласці ўваходзіла ў губерню Паўднёвая Фінляндыя.