Пол Крысціян Лотэрбур (англ.: Paul Christian Lauterbur; 6 мая 1929, Сідней, Агая — 27 сакавіка 2007, Урбана, Ілінойс) — амерыканскі хімік, лаўрэат Нобелеўскай прэміі па фізіялогіі і медыцыне (2003) «За вынаходніцтва метаду магнітна-рэзананснай тамаграфіі».
Скончыў Універсітэт Пітсбурга ў 1962 годзе. Першапачатковая ідэя, якая прывяла да стварэння магнітна-рэзананснай тамаграфіі, нарадзілася падчас бурнай дыскусіі на вячэры ў прыгарадзе Пітсбурга. Наступныя працы па стварэнні метаду Лотэрбур праводзіў у Нью-Ёркскім універсітэце ў Стоўн-Брук у 1970-х гадах. Пасля гэтага Лотэрбур усё жыццё прапрацаваў у Ілінойскім універсітэце ў Урбане і Шампейн.