wd wp Пошук: ⬜

Петра

У паняцця ёсць і іншыя значэнні, гл. Петра.

Пе́тра (араб. البتراء‎‎ — Аль-Батра, стар.-грэч.: Πέτρα — скала) — старажытны горад у паўднёвай Іарданіі, у мухафазе Маан. Вядомы сваёй скальнай архітэктурай(англ.) бел. і вадаправоднай сістэмай. Часам Петру яшчэ называюць Ружовым горадам з-за колеру камянёў, з якіх выразаныя яго пабудовы.

Атаясамліваецца са сталіцай Ідумеі (Эдома); праўдападобней жа заснавана ў 4 стагоддзі да н.э. як сталіца Набатэйскага царства [1]. Размешчаны на вышыні больш за 900 метраў над узроўнем мора і 660 метраў над навакольнай мясцовасцю, далінай Аравы, у натуральна ўмацаванай даліне Вадзі Муса («Даліна Майсея»). Праход у даліну толькі праз цясніны, размешчаныя на поўначы і на поўдні, тады як з усходу і захаду скалы стромка абрываюцца, утвараючы натуральныя сцены да 60 метраў у вышыню. Іншым буйным цэнтрам набатэйскай цывілізацыі была Хегра.

6 снежня 1985 уключаная ў спіс сусветнай спадчыны ЮНЕСКА, у 2007 годзе выбрана адным з новых цудаў свету. З’яўляецца сімвалам Іарданіі і яе найбольш наведваным турыстычным аб’ектам[2].

Петра
Схема размяшчэння помнікаў Петры

Гарады-пабрацімы

Зноскі

↑ Josh Seeger, Gus W. van Beek. Retrieving the Past: Essays on Archaeological Research and Methodology. — Eisenbrauns, 1996. — С. 56. — ISBN 978-1575060125.
↑ Архіўная копія(англ.) (недаступная спасылка). The Jordan Tourism Board. Архівавана з першакрыніцы 4 лістапада 2016. Праверана 4 верасня 2014.
↑ https://www.plovdiv.bg/en/about-plovdiv/побратимени-градове/

Спасылкі

На Вікісховішчы ёсць медыяфайлы па тэме Петра
Петра ў 3D
ВікіВандроўка (англ.)